Apne hisse ki udaan

Aasman itna apaar, itna aseem aur ataah hai ki door se hi humein zindagi bhar choota hai. Har ek ki zindagi se, sapnon se atoot rishta sa ban jaata hai is ka. Pata nahin yeh silsila kabse hai , shayad sabhyata ki shuruat se ya phir sapnon ke janam se.Har sapna humaari aashaon ko, koshishon ko aur himmat ko nayee udaan deta hai. Kuchh oncha hona, bheed se kuch kadam hi sahi par aage badhna, hum sab chahte hai zindagi se aur apni zindagi se kuch khaas, hum sab chahte hain apne hisse ka aasman, apne hisse ki udaan.